Sølvgutane frå Sotra

STRAUME/KROATIA: Andreas Takvam (18) og Runar Torsvik Sannarnes (17) har skapt sandvolleyball-historie med finalespel i junior-VM i Kroatia.
Dei tapte finalen mot Polen, og var sjølvsagt skuffa rett etter tapet. Men Andreas Takvam og Runar Torsvik Sannarnes skapte sandvolley-historie i Kroatia denne helga.
I tillegg vart Andreas Takvam kåra til beste spelar i turneringa.

– Heilt sjukt
Øyvind Takvam hadde fortsatt ikkje klart å fordøya VM-eventyret då Vestnytt snakka med han måndag føremiddag.
– Det er heilt sjukt. Det har ikkje gått opp for meg enno. Det var ikkje akkurat målet vårt å enda i finalen. Me satsa på topp ti-plassering, seier Takvam.
Kampen mellom Polen og Noreg var svært jamnspelt, og det var berre to poeng som skilte sotra-gutane frå gullplassering.
– Det var bittert rett etter kampen, men no er det berre ganske sjukt å tenka på, seier 18-åringen til Vestnytt.

Topp samarbeid
Sand-kameratane fekk til det meste under VM.
– Mykje stemte for oss. Det som stemte best var blokken og forsvar. Me henta mange poeng på det. Me har aldri spelt så bra som under VM, seier Takvam.
Takvam og Sannarnes har spelt saman i fem år.
– Me er ganske samspelte, seier Andreas.
Dei satser no vidare mot U-20 og U-23-spel. Men det store målet er seniornivået.
– Det er knalltøft på seniornivå. Der må me kjempa hardt for å hevda oss, seier ein audmjuk Andreas Takvam.

Sensasjonelt
Far til Andreas, Øyvind Takvam sin stoltheit voks gjennom heile turneringa.
– Dette er sensasjonelt. Den beste plasseringa Noreg har hatt i ei slik turnering er niandeplass.
Takvam og Sannarnes har kjempa seg gjennom puljespe, åttendedelsfinale, kvart og semi før dei møtte Polen i finalen.
Begge gutane går på idrettslina på Tertnes vidaregåande skule.

Endte 2-1
Kampen endte 2-1 til dei polske gutane Kaczmarek og Kosiak med siffra 17-21, 21-19, 15-13. Dei norske gutane vant førstesettet 21-17 etter at laga fulgte kvarandre fram til 16-16. I andresettet leia dei norske gutane, før polakkane henta inn forspranget og drog frå Takvam og Sannarnes.
I det siste settet leia det norske laget 2-0, og frå stillinga 6-6 og ut settet var det heilt jamt før polakkane vant settet 15-13.