Sotrabrua vert truleg ikkje stengt

SOTRABRUA: – Passerer vinden 25 meter i sekundet, må dei lettaste køyretya, bilar med tilhengarar og takboksar stoppa, seier vaktoperatør Tom Hansen i Statens vegvesen.

Dei siste par timane har vinden lagt på rundt 20 meter i sekundet, men vervarselet seier at det skal auka på fram mot klokka fire.

– Vinden har vore stabil dei siste par timane, så me får håpa at det ikkje aukar på slik at me må stenga brua i rushtida, seier Hansen.

Dersom vinden kjem over 25 meter i sekundet, blir politiet kalla ut for å dirigera og sortera trafikken. Lensmannskontoret på Straume er allereie varsla, slik at dei er førebudde på å rykka ut. Men lite tyder på at brua blir heilt stengt for trafikk, då skal ein heilt opp i vind på 30 meter i sekundet - altså vesentleg meir enn no.

– Det ser ut som det kjem til å gå bra, folk må berre ta det litt roleg over brua, seier vaktoperatøren.

Etter det Vestnytt kjenner til, skal det ikkje vera dei heilt store problema med vind over Rongesundbrua.