Ein bil krasja i fjellveggen og havna på taket fredag føremiddag. Politiet fekk melding 10.47. Ingen personar skal vera skada i ulukka, melder Hordaland politidistrikt.

Like før klokka tre natt til tysdag braut nokon seg inn på Kiwi-butikken i Møvik. Det vart sett to personar som sprang frå staden. Utbyttet vart både magert og feitt - alt dei fekk med seg var litt sjokolade.

Politiet har så langt ikkje pågripe nokon.

To menn vart natt til måndag huka inn, mistenkt for rus bak rattet på Ågotnes. Dei to karane i 30-åra måtte inn til blodprøve og er politimelde i saka.

Fire bilistar fekk søndag kveld forenkla førelegg, då politiet heldt laserkontroll i 60-sona på Ågotnes. Høgste fart var 79 kilometer i timen.

Politiet tok natt til laurdag inn ei 19 år gammal kvinne i Fjell, mistenkt for å køyra bil i rusa tilstand. Ho vart køyrt til legevakta for blodprøve.

Ingen personer skal være skadet i brannen som oppstod i en enebolig på Brattholmen lørdag ettermiddag. Klokken 15:40 idag rykket brannvesenet ut  Flammene stod ut av taket, og ifølge brannvesenet så det med en gang ganske dramatisk ut.

 Brannen ble raskt slukket, og klokken 16:16 kunne brannvesenet starte etterslukkingen. Brannen skal ha startet på kjøkkenet i ventilatoren, for så å ha spredt seg opp til takkonstruksjonen. – Vi var redd for at taket skulle ryke, men vi begynte å rive taket med en gang vi kom, og fikk heldigvis reddet det, opplyser vakthavende brannsjef Frode Bødtker. Det var to personer tilstede i huset, men disse var kommet seg ut av huset idet brannvesenet kom på stedet. Ti mann og fire brannbiler fra hovedbrannstasjonen og Laksevåg brannstasjon deltok i operasjonen.

Brasil er på frammarsj som oljenasjon, med selskapet Petrobras i front. Selskapet nyttar no nyutvikla teknologi frå AGR på to av sine brønnar i Rio Grande de Norte-regionen.

Ifølgje ei pressemelding frå AGR har Petrobras fått stor framgang med tanke på drift, økonomi og miljø, ved bruk av selskapet sin teknologi. Det dreier seg om boreteknologi til bruk under krevjande trykktilhøve. Petrobras fekk hjelp til å kontrollera trykket i brønnen, unngjekk tap av borevæske og fekk redusert kostnadene. Dei to brønnane er dei første etter at AGR og Petrobras i 2010 inngjekk ein kontrakt på to år. Det brasilianske selskapet vil nytta teknologien vidare på fleire brønnar i år.

Mangeårige lokalpolitikar i Sund, Harald Nordstrand (Sp), ber kommunestyret om fritak frå politiske verv fram til hausten av helsemessige årsaker. For berre nokre veker sidan tok Kjell Arve Vorland over vervet som gruppeleiar.

 Førstevara Gunn Nesse Limevåg møter dermed som fast representant for Senterpartiet i permisjonsperioden til Harald Nordstrand.

Politiet fekk melding om ei trafikkulukke ved Knarrevik mandag morgon klokka halv åtte. Det viste seg at UP hadde kome over ei ulukke på riksveg 555 ved Knarrevik. Ein bil hadde blitt påkøyrt bakfrå.

Ingen personar vart skada i samanstøyten, men den eine bilen vart henta av bergingsbil.

Ein sjåfør mista veggrepet i ein sving sør for Eidesjøen i Sund litt over klokka åtte laurdag morgon. Han hadde to passasjerar i bilen, men ingen blei skadd i møtet med lyktestolpen. Han ordna sjølv med tauing av bilen.

Komité for plan og utvikling godkjente på tysdag rammene for kva som skal inngå i arbeidet med reguleringsplanen for Ebbesvika. Det er Soli Eigedom AS som står bak prosjektet.

Dei ønskjer å leggja til rette for bygging av bustader, barnehage og tilhøyrande infrastruktur i området. Grunneigarane ønskjer også å gjera om deler av LNF-området til bustader, men politikarane har ikkje teke standpunkt til det spørsmålet enno. Planområdet er på heile 483 mål på Litlesotra og har i dag tilkomst frå fylkesvegen mot Snekkevik og Brattholmen.

Politikarane i komite for finans og forvaltning i Fjell seier samrøystes nei til at kommunen skal oreigna veggrunn og rettar til gjennomføring av reguleringsplan for Hellemyra på Haganes.

Det er utbyggaren, Hellemyra AS, som ber kommunen om å tvinga fram sal gjennom oreigning, fordi det ikkje har lukkast å koma til semje med vegeigarane om vilkåra for å overta vegen. Politikarane meiner saka må løysast privatrettsleg og at offentleg oreigning ikkje er aktuelt i denne saka.

Sartor Offshore skiftar namn til Atlantic Offshore. Ifølgje adm.dir Roy Wareberg skildrar det nye namnet betre kva som er kjerneverksemda til selskapet. Atlantic Offshore har 550 tilsette og opererer 24 skip.

Selskapet vart starta i 1988 og held til ved CCB på Ågotnes.

Ein personbil hamna utanfor vegen og delvis på taket på Tellnes natt til laurdag. Bilen fekk store skader, men då politiet kom til staden, klarte dei ikkje å finna ut av om bilføraren var skada.

Han hadde nemleg tatt beina fatt og stukke frå staden. Like etter fann politiet si hundepatrulje mannen i terrenget. Han hadde eit kutt i hodet, og vart sendt med ambulanse og mistanke om promille. Det hadde lekka ut noko bensin frå bilen, difor vart også brannvernet involvert

Ein stor plastkonstruksjon dreiv torsdag rundt i Åsvika i Fjell. Den skal vera rundt fire meter høg og fem meter i diameter, og har truleg kome dit som eit resultat av Dagmar eller andre uver.

Bebuarar sørga for å tjora den fast med tau, og truleg kjem Hamnevesenet til å henta med seg plastkonstruksjonen over helga.

Fristen for innspel til kommunedelplanen for trafikksikring i Fjell går ut i morgon. Kommunen ønskjer informasjon og synspunkt frå innbyggjarane, organisasjonar, lag og skular på tryggleiken i trafikken.

Kommunedelplanen vert nytta til å prioritera bruken av dei kommunale løyvingane til trafikksikringstiltak, og er grunnlag for stat og fylke sine trafikksikringsprioriteringar på vegnettet i Fjell. Det vert også høve til å koma med innspel under folkemøte i mars, samt når planutkastet er på høyring sommaren 2012.

To personar stod bak tjuveri frå ein butikktilsett ved Sund senter tysdag ettermiddag. Medan den eine personen distraherte den tilsette, sneik den andre tjuven seg inn på eit kontor og stal ei lommebok.

Der stal han lommeboka. Tjuveriet blei ikkje oppdaga før seinare. – Det var ikkje mykje pengar i lommeboka, men kort, opplyser Bjørn Hagen hos Politiet på Straume.

Ein bil mista eit hjul i Kolltveittunnelen måndag ettermiddag. Politiet fekk meldinga 15.45, og tunnelen blei stengt. Uhellet skapte naturleg nok køar då tunnelen blei stengt midt i rushtida.

Alexander Dale Oen vart kåra til årets mannlege utøvar under Idrettsgallaen i Hamar OL-amfi laurdag kveld. Symjaren vart også heidra med utøvarane sin eigen pris etter dei store prestasjonane i VM og EM i fjor.

Utsiktene til snø er ikkje dei beste, men uansett blir det Vinterfestival på Glesvær komande helg. Det blir juletrekasting, fottur, båttur og fisketur. I tillegg blir det fiskekonkuranse, konsert og zumba.

Den kanskje mest spesielle aktiviteten er undikkløpet, der ein skal springa i underbukser eller pyjamas. Det er ikkje lov med sko, men ein kan bruke tjukkelabbar, lue og vottar.

Ein 43 år gammal mann vart alvorleg skadd i samband med bruk av fyrverkeri på Hjelteryggen nyttårskvelden. I det same rakettuhellet vart to jenter på sju og 11 år lettare skadd, opplyser sjukehuset.

Politiet på Sotra har ikkje fått informasjon om saka ut over det som finst i media. Dermed tek det tid å avdekka kva som skjedde.

– Me har ikkje fått melding frå nokon av dei involverte i saka. Frå sjukehuset er det vanskeleg å få meir opplysningar grunna teieplikta. Men me jobbar med saka og reknar med å få inn fleire opplysningar frå andre kjelder etterkvart, seier politioverbetjent Bjørn Hagen.

Hendinga på Hjelteryggen var eit av to uhell med skade knytt til fyrverkeri i Hordaland. Frå Austevoll kom ein 18 år gammal gut inn med rakettskade. På landsbasis er 16 personar behandla for augeskade etter nyttårsfeiringa, 14 menn og to gutar under 18 år. Fire av dei er rekna som alvorlege og desse fire er alle skadd av bakkefyrverkeri. Overlege Nils Bull ved augeavdelinga på Haukeland universitetssjukehus er nøgd med det låge talet på skadde barn.

– I fjor var det seks barn som vart innlagt med augeskadar etter nyttårsaftan, så vi er veldig glade for at det talet er gått ned i år, seier Bull.

På Sotra vart det også stole fyrverkeri på nyttårsaftan. Tjuvar skal ha brote opp hengelåsen på ein container og fått med seg fargesprakande krutt for store verdiar.

– På morgonen 31. desember vart det stole fyrverkeri for kring 20.000 kroner i Skogsvågen, opplyser politioverbetjent Bjørn Hagen.

Elles har det frå politiet sin ståstad vore ei relativt roleg nyttårsfeiring i Fjell, Sund og Øygarden.

Oppløftande promillekontroll

KLOKKARVIK: Politiet gjennomførte i morgontimane 1. nyttårsdag ein promillekontroll i området Klokkarvik, Steinsland og Tofterøy. – Ingenting ureglementert vart avdekka hjå dei 22 som vart kontrollert. Så det var bra, seier politioverbetjent Bjørn Hagen.

Ein bil kjørte i sida på ein annan bil i Arefjord fredag føremiddag. Syndaren stakk av, men bilen vart seinare funne parkert i Arefjordsbakken. Den mannlege føraren er no mistenkt for promillekøyring.

Mannen hadde to barn i bilen. No må han belaga seg på å ordna transport utan å køyra sjølv.

Natt til onsdag klokka kvart på to vart politiet tilkalla for å ta seg av ein fest på Tjeldstø som utarta seg til slagsmål på staden. Politiet fekk melding om skadde personer, og ambulanse vart tilkalla.

Ein skadd festdeltakar fekk tilsyn på staden, og festen vart oppløyst. Det var ingen som ønska å anmelde nokon.

Anita Rugland frå Nese stakk nyleg innom med julekort til ei venninne som jobbar på Straume. Men då sa venninna at ho allereie hadde fått julekort. – Eg forstod ingenting. Men så viste det seg at julekortet var frå i fjor.

Det vart altså sendt til jula 2010, fortel Rugland. Venninna bur på Bønes, og julekortet brukte altså eit år i postgangen mellom Sotra og Bergen. – Det var merkeleg at julekortet brått kom fram no nett før jul – eit år for seint, seier Anita Rugland.

Ei kvinne køyrde i støypekanten like etter Lyderhorntunnelen retning Bergen onsdag morgon. Ho skal ikkje ha fått alvorlege skadar, men samanstøyten førte til køar.

Ein bil køyrde utfor vegen på fylkesveg 555 mellom Vorland og Klokkarvik tidleg tysdag morgon. Ei kvinne i 20-åra vart køyrd til legevakten med smerter i kne og arm.

Rett etter klokken tre natt til lørdag ble en bil stanset i kontroll ved Hammersland. Den 28 år gamle føreren av bilen ble anmeldt for å ha kjørt uten gyldig førerkort.

Bjorøy og Tyssøy velforeining har registrert at Flesland er tilbake som alternativ for ny godshamn for bergensområdet. Det er velforeninga lite glade for. Dei fryktar mellom anna auka støyplager frå Flesland.

 – Det er uheldig å forstyrra den flotte leia vi har inn til Bergen med ei kontainerhamn som vil vera eit stort inngrep i naturen, skriv velforeininga til Fjell kommune. Konkret for innbyggjarar og hytteeigarar på Bjorøy og Tyssøy peikar dei på at store hytteområde er vendt mot Flesland og at det finst friluftsområde både på Bjorøy og Alvøy som er vendt mot flyplassområdet.

Arbeidarpartiet i Fjell likar dårleg å stemma mot noko dei er for, men varslar at så kan bli tilfelle i kommunestyret i dag. – Turvegen Foldnes-Hjelteryggen er uansvarleg  i den situasjonen Fjell er i.

 – Det er eit godt tiltak, men ei millioninvestering vi ikkje har råd til no, meiner Marianne Bjorøy som er gruppeleiar i Ap. Ho viser til at Ap og Høgre var samde om at fleirbrukshallen i Straume Næringspark var den eine, store investeringa Fjell skulle ta på seg dei næraste åra. – Den investeringa kjem til å smerta. Viss eg hadde visst at ingen andre enn Ap vil ta ansvar for å prioritera, ville eg sagt nei, seier Marianne Bjorøy.