Fjerning av bilvrak tek tid

FJELL: Vestnytt sette fokus på nokre av vraka i mai i år, og det er framleis ikkje gjort noko med dei sakene frå politiet si side.

Samferdselsavdelinga i Fjell kommune er ein av aktørane som utfører sjølve hentinga. Men dei treng ei oppmoding frå politiet for å kunne setje i gong. Og den let venta på seg.

– Vi har send fleire purringar men vi får ikkje noko respons på dei seier Therese Borgen, avdelingsingeniør for samferdsle og trafikksikring i Fjell kommune.

Må venta på politiet

– Den siste purringa blei sendt 9. juni i år, og vi har ikkje høyrt noko frå politiet. Men i dag fekk vi melding om at det blei henta to vrak frå Storhilderen som har stått heile vinteren. Noko vi er veldig glade for.

– Det er politiet som har ansvar for desse vraka, seier Borgen. – Og henda våre er bundne så lenge vi ikkje får noko oppmoding frå politiet. Vi fikk siste gang i juni i fjor melding om at vi kunne fjerne 2 vrak som sto på Turøy. Sidan den gang har ikkje vi fått fleire løyve til å fjerne.

Fjell kommune ønskjer eit tettare samarbeid for å finna ei god løysing på problemet med bilvrak som blir ståande.

– Helst ei løysning som ikkje vil ta alt for mykje av begge sine ressursar, oppmodar Therese Borgen.

Det er politiførstebetjent Per Algrøy ved lensmannskontoret på Straume som sit med denne oppgåva. Algrøy var i går ikkje tilgjengeleg, men det var politioverbetjent Helge Stave.

– Eg stadfestar at det er politiets ansvar å behandle sakene med bilvrak, seier han.

Prioritert ned
Stave skildrar regelverket slik: Ifølge vegtrafikkloven skal ikkje registreringspliktig motorvogn uten lovlege kjennemerke stå parkert på offentleg veg eller privat veg skilta med offentlege trafikkskilt i meir en 14 dagar. Ifølge samme lov kan politiet ved slike overtredingar ta kjøretøyet i forvaring. Politiet kan, på visse vilkår, selja desse kjøretøyea etter tre månadar. Dersom politiet anser kjøretøyet som vrak, kan kjøretøyet seljast utan hensyn til tremånedersregelen nevnt.

 – Politiet er i en situasjon der vi prøver å prioritera tydeleg. Hos oss er dei ulike straffesakene prioritet nummer ein. Dette er noko vi er veldig tydelige på overfor leiarar og medarbeidarar. At Therese Borgen hos Fjell kommune har måtta purra oss opp fleire gonger i saker vedrørende bilvrak er sjølvsagt beklageleg, men resultat av ei bevisst prioritering. Ansvaret for dette er mitt. Vrak som står til hinder og fare skal, når systemet fungerer, takast etter kvart som dei blir melde inn til oss, fortel politioverbetjent Helge Stave.