Fornybar energi

Etter fleire samanhengande år med stor aktivitet og gode resultat starta CCB 2010 med god plass i ordrebøkene sine. Sjølv om både Norge og verda kjem til å vere avhengig av olje og gass i overskodeleg framtid, må CCB sjå seg om etter andre marknader. Med planane om landets første forsyningsbase for vindmøller på Kollsnes viser CCB at dei er på veg inn i ei ny tid.

Naturgassparken på Kollsnes i Øygarden er staden for nysatsinga som vart presentert på ein pressekonferanse i går. Det er stara eit nytt selskap med namnet CCB Kollsnes AS. Ei tomt på 75 mål og eit  lagerbygg på 1000 kvadratmeter kjøpt. Sjølve drifta skal handterast frå CCB på Ågotnes den første tida.

Satsinga på vindmøller er kome mykje lenger i andre land enn her hos oss. Men det er mange planar om vindmølleparkar, både i vår region og elles i landet. Utvikling  av verdas kanskje største vindturbin skal  skje på Kollsnes. Med eit tilskot på 137 millionar kroner frå Enova i fjor kom klarsignalet til Sway om å starte bygginga av ein testturbin.

Det er spennande planar som no er presentert, både for Øygarden kommune og for næringslivet i heile regionen. Framtida vår er avhengig av at det blir utvikla fornybar energi, og vindmøller både til havs og på land er eitt av dei store satsingsområda over heile verda.