Den finaste naturen i verda

Nysatsinga Kysteventyret skal no for alvor prøve å selje dette paradiset til turistar.

Alle som bur her ute, veit jo at Christensen har rett. Det er ikkje mange stader i verda som kan måle seg med den naturen vi har. Her er det ikkje berre vakker utsikt som kan nytast. Vi kan også tilby aktivitetar der ein kjenner at blodet brusar i årene, året rundt.  Fisking, klatring, båtliv av alle slag, vakre turløyper.

Trass det aller beste utgangspunkt og utallige forsøk på å få til ei samla satsing, har det ikkje lukkast å få fart på reiselivsbransjen i regionen. Kvar og ein i bransen har vore nøydd til å lite på seg sjølv. Og for mange har det gått bra, trass manglande fellessatsing.

Næringsbarometeret for Hordaland og Sogn og Fjordane, som vart offentleggjort forrige veke, viste at reiselivsbransjen er svært optimistisk med tanke på året vi no er inne i. Trass svikt i turisttrafikken to år på rad ventar aktørane seg auka omsetnad og betre lønsemd i 2010. Med ei attraktiv og opplysande nettside skal Kysteventyret sørgje for at så mange som mogleg finn vegen ut til havet.

Men framleis er det ein veg å gå. Av 100 reiselivsbedrifter i dei tre kommunane er det 25 som har meldt interesse for Kysteventyret. Skal satsinga lukkast, må fleire slutta opp prosjektet. Vi kan likevel forstå at somme ventar og ser ting an. Det har vore gjort forsøk på fellessatsingar før, utan at det har ført til noko løft.