Forsøpling og gjenbruk

Nyttårsfeiringa ved overgangen frå 2007 til 2008 var den siste der det var lov med rakettar. Sidan den gong har skadene som følgje av fyrverkeri gått dramatisk ned. Men diverre er ein enno ikkje i mål. Spørsmålet er om det er grunn til ytterlegare innskjerping av reglane.

Fjell seier dei har ikkje råd, Sund vil heller satse på eigne krefter, Øygarden vil redusere løyvinga når dei to andre gjer det. Og Askøy vil ikkje vere med likevel. Det kan bli eit magert år for Gode Sirklar.

Endeleg kan folk på Toftøy igjen bruke vatn frå Stegavatnet. Etter algeoppblomstring i sommar har vatnet vore ubrukeleg som drikkevatn heilt fram til no.

I 2009 vart eit toppmoderne, nytt vassverk opna nord i Øygarden. Alvheim vassverk har kapasitet til å forsyne heile kommunen med vatn. Vassverket som førebels berre forsyner Alvheim krins, har ein kapasitet som gjer det til Vestlandets største.

Då Alvheim vassverk vart offisielt opna 9. desember i 2009, fortalte dåverande ordførar Olav Martin Vik at kommunen hadde fått streng beskjed frå Mattilsynet om å byggje nytt vassverk. «Eller så byggjer me det for dykk», refererte ordføraren. Det gjekk likevel seks år før nytt vassverk var på plass.

Ein kan spørje seg kvifor drikkevatn til folket ikkje har vore ei høgare prioritert sak i Øygarden. Årsaka kan ikkje vere at behovet ikkje har vore der. Kommunen kan heller ikkje skulde på dårleg økonomi.

På 90-talet var også mange sundsokningar plaga med dårleg drikkevatn. Særleg var det ille i Klokkarvik, der det nesten var meir regel enn unntak at drikkevatnet måtte kokast. Gong etter gong kunne lesarar vise Vestnytt brunt og ekkelt vatn. Men det vart teke tak i problemet. Politikarane innsåg at skulle vasskvaliteten bli betre, måtte det eit krafttak til. Og innbyggjarane måtte betale gildet sjølv i form av auka avgifter. Sund Vatn og Avlaup vart danna, og sidan har det ordna seg med vatn for sundsokningane. I tillegg har dei fått til eit utstrekt samarbeid med vegvesenet. Det har sørga for at når det først vart grave for å leggje ned vassleidningar, vart det også ordna med gang og sykkelvegar og eit utbetra vegnett.

I Øygarden har det vore prioritert annleis. Her har det vore bygd mange flotte offentlege bygningar. Samstundes har politikarane prioritert låge prisar på offentlege tenester. Reint drikkevatn har det ikkje vore snakka så mykje om. Dessverre er det slik at vatn og avlaup ikkje er blant dei sakene som partia set øvst på valprogramma sine, og problemstillinga er lite synleg i lokale valkampar.

Sylvia Haugland (TVØ) uttrykte på opningsfesten stor glede over at det nye vassverket ville gi reint vatn i springen til innbyggjarane i Alvheim krins. – Eg gler meg til resten av innbyggjarane i Øygarden får det, sa ho til Vestnytt.

Dessverre ser det ut til at det kan ta tid å få realisert den framtidsvisjonen. 

Førebelse tal tyder på ein viss nedgang i julehandelen, for første gong på 23 år. Likevel brukar mange svært mykje pengar på julegåver og anna kos før jul. Men meininga med jula er så mykje anna enn ein kjøpefest.

Både kommunar og sjukehus hevdar dei er avhengige av å ha omsorgspersonell på deltid. Men dei tilsette er ikkje så nøgde, særleg for unge, nyutdanna er det eit håplaust system.

Søndag var det nøyaktig 40 år sidan Sotrabrua vart opna for trafikk. Den har tent regionen godt, men no er det på tide med avlasting.

Etter åtte år med fram og tilbake står endeleg det nye helsesenteret på Ågotnes ferdig.

Sture-terminalen har levd i uvissa sidan i vår. Fredag vart det klart at terminalen skal halde fram som i dag, i alle fall ei tid framover.

I festlege høve blir det gjerne henta fram som ein fordel at Bergen med omegnskommunar er ein, stor arbeidsmarknad. Men det byr også på utfordringar.