Nok Tiger no!

EA Games har nok ein gong lansert ein oppfølgar. Tiger Woods PGA-Tour 09 er oppfølgar nummer eitt eller anna. Sjølvsagt har dei pynta litt på spelet, med nye banar og ein trenar som masar deg inn i øyra heile tida om kva du kan gjera betre.
Det er diverre ikkje godt nok. Det er den same Tiger Woods som står der på coveret, og det er det same spelet som ligg inni plata. Difor tykkjer eg det er ganske meinigslaust å betala skjorta av seg for å få nær det same spelet som ein kjøpte i fjor. For ei stund attende lova den norske EA-sjefen at oppfølgarane si tid er nær ein ende, men med Tiger Woods-utgåva, syntes enden endå eit stykke frå. Men om du ikkje har spela dei tidlegare golf-utgåvene til EA før, så bør du kjøpa det. Spelet er sjølvsagt svært utfordrande. Grafikken er kanongod, og alt er like profesjonelt lagt opp. Kommentatorane gjev deg kjensla av at du er ein toppgolfar som spelar i turneringar ein ser på fjernsynet. Alt vel der. Har du de 08-versjonen eller tidlegare, så kan du godt lata vera å betala for eit nytt spel.