Morsom vri i tradisjonelt spel

Battlefield: Bad Company
Utgjevar: Dice/Electronic Arts
Konsoll: PS3
Aldersgrense: 16 år
Terninkast: 4

Det er gode greier som møter deg når du ufriviljugt melder deg for B-company eller Bad Company som dei óg vert kalla. Det er hæren sin bossentral, der alle som gjer det hæren ikkje vil ein skal gjera, endar opp. Du er nettopp komen i kompaniet, og er klar for å gå inn forbi fienden sine rekker. Hæren brukar Bad Company som ryddegutar og frontkjemparar i kringe mot aggressive russarar. Den eine oppgåva løyser den andre, og spelet er slett ikkje verst når ein først har komen seg inn i den verda. Det er enkelt å manøvrera, og har ein høveleg størrelse på fjernsynsskjermen, så får ein godfølelsen når ein spelar dette krigsspelet. Sjølvsagt kan ein ikkje måla seg med Call of Duty-serien, særleg ikkje nummer fire i rekka, men det er eit bra krigsspel med mykje action. Her må du løysa fortspringande oppdrag, køyra bilar rundt i felten, og kverka så mange russarar som du kan.
Eit av dei gode elementa er at du kan knusa deg inn i eit hus og køyra over gjerder. Du kan i praksis gjera kva du vil. Du kontrollerer din person ganske enkelt, og kjem raskt inn i spelet.
Likar du krigsspel, så er dette verd pengane.