Korleis verta diktator på ti minutt

Det tok meg berre ein time med samanhengande byutvikling å skapa så mykje kaos i min vesle by, at folk gjekk mann av huse for å setja meg av som statsleiar. Når du vel by, kan du velja kva slags type by du vil ha. Ein liten by eller ein autoritær by. Her kan du vera klovneordførar eller diktator. Eg valde det siste. Etter ei stund sat eg med kring 7000 innbyggarar, og 70 prosent av dei direkte misnøgde med mi leiing. Eg bestemte meg difor å bygga fleire statsbygg, høgare blokker og fleire bygningar med hemmeleg politi. Ein må jo halda massane nede. Det var vel ikkje rette metoden. Då eg passerte 8000 innbyggarar i bygda mi «Voss» følte eg meg som reine general Pervez Musharraf, noko eg for å vera heilt ærleg, hadde prøvd å bli og. Eg ville sjå korleis eg kunne styra ein by med jernhånd. Det er visst ikkje mitt lodd her i livet å sitja med miletærdrakt, hundrevis av generalstjerner og bart. Då eg byrja spelet i turorial-mode (læringsmodus), så fekk eg vera med å bygga ein moroby. Det gjekk bra. Hmmm... Det er jo så uendeleg kjeeeeedelig. Så eg valde diktatorstaten. No sit eg att med nærare 10.000 innbyggarar. 5000 av dei er alkoholikarar og resten arbeidsledige sinte folk som vil kasta meg fortast råd. Eg gjev meg difor som diktator og forsøker meg som borgarmeister i ein moroby att. Kjedeleg men trygt frå avrettingar av statsleiarar. Konklusjon: Spelet er morosamt sjølv om eg i utgangspunktet er passert øvre grense for simcity-speling. Absolutt å anbefala, faktisk.