Knoll og Tott med farlege handvåpen

Det er Knoll og Tott med handvåpen som spring rundt og gjer oppdrag ein ikkje klarar åleine. Spelet er bygd opp på at ein må vera to eller fleire for å klara dei oppdraga ein får. Du og kameraten din er leigesoldatar som får det eine oppdraget etter det andre. Når eg seier Knoll og Tott, så meiner eg at desse karane framstår som temmeleg dumme, med sine pynta våpen og «hippe» kommentarar. Målet er å skyta for harde livet, planlegga oppdraga og samarbeida seg mot målet. Botnlina er: Army of Two er eit skytespel. Korkje meir eller mindre, men det er eit særs godt skytespel, og det er ufattelig morosamt å spela. Ein annan skilnad som gjer at eg liker spelet meir og meir er at du kan invitera heim ein kamerat og spela saman med han. Dei fleste skytespel er laga kun for ein spelar, med unnatak av nettspel, og det kan verta noko kjedeleg i lengda. Army of Two kan du spela med ein haug kameratar på nett eller med ein fysisk kamerat. Ein kan sjølvsagt sjå kritisk på dette og sei at det er valdeleg og umotivert. Men det er, i mine auge, heilt ufarleg, om ein held seg til den aldersgrensa som er anbefalt (18 år). Terningkast 5.