Feira julestart med peparkakeby i bygd

Det luktar jul på Rong - i alle høve på biblioteket på senteret. Tysdag føremiddag vart det liv i bokleiren då ein haug med små byggherrar sette seg på golvet for å høyra på musikk omkransa av eigne meisterverk.

For det kan

kallast meisterverk. Barnehagar frå heile kommunen har bygd sine små hus, hytter, stasjonar og peparkakemenn. Nokre med bilete på og andre sittande på hestar. Stolte auge frå små born varma dei vaksne sine hjarte då peparkakebyen vart opna av sjølvaste ordføraren av både peparby og strilabygd, Olav Martin Vik.

Den røynde politikaren var tydeleg rørt av den ekte gleda som spreidde seg ut over det kommunale biblioteket.

Medan Geir Barsnes

spreidde musikalsk glede med eigne tekstar, delte kulturkonsulent Liv Edel Mikkelsen ut diplom til dei borna som var møtt opp som representantar frå sine barnehagar.

Det er på sjuande året at born frå Øygarden lagar sin eigen peparkakeby. Den er ikkje blitt rasert av «fudle» bergensarar, og den har ikkje komen på tysk fjernsyn. Men det betydde ingenting då ungane fekk syna fram sine eigne verk.

Biblioteksjef Ritha Helland

hadde fått oppdraget med å dela ut peparkaker og saft til dei små etter at juletonane frå Barnses hadde stilna.

– Det er første gongen eg er med på slikt. Det er veldig morosamt, seier den engasjerte og initiativrike biblioteksjefen på Rong.

Men det var

ikkje berre peparkaker som vart synt fram tysdag. Glasmåleri laga av barnehender frå barneskulane i Øygarden var hengt opp i vindauga til biblioteket, slik at alle som vil, kan nyta kunsten på nært hald.

Ein av peparmeistrane, Kristoffer Westby (5) synte stolt fram sitt bidrag til peparkakebyen 2010.

– Eg har vore med å laga ein julekrans, seier femåringen som går i Terna barnehage.

Den enorme julekransen i peparkakebyen får andletet til Kristoffer til å lysa opp. Alle borna som var møtt opp på opninga tysdag, flytta seg eitt steg nærare julekvelden.

– Eg gler meg til jul, ja, gliser Kristoffer Westby.