Berre flaks gjorde at skaden vart reparert berre fem timar etter at den vart oppdaga.

– Me fekk tak i dykkarar ganske snart. Vanlegvis tar dette mykje lenger tid fordi dykkarane er så travle, seier Øyvind Bohne som er fagleiar VAR i Øygarden kommune.

Dykkarar på plass

Lekkasjen var ordna rett før lunsjtider måndag føremiddag. Når Øygarden først hadde dykkarar på staden, så tok dei seg ein ekstra runde for å sjå til leidningsnettet som ligg i kanalen på Hellesøy.

– Leidningane er i ganske god stand, men det er ein del påkoblingar som ikkje er gode. Det er mykje rust der, seier Bohne til Vestnytt.

Det var lekkasje på same staden tidlegare i vinter. Då vart skaden funnen og fiksa. Men noko har gått gale med delen som vart brukt. Det var denne delen som no var øydelagt.

– Det var ei klemme som var gått, seier Bohne.

Fem timar med lekkasje før problemet er løyst, er ifølge Bohne svært kjapt.

– Me har hatt litt flaks her, ja, smiler Øyvind Bohne.

Det var eit ganske stort område som var utan vatn i morgontimane mandag. Heilt frå Bakken skule til Hellesøy måtte finna andre vasskjelder enn frå springen denne morgonen.